’n Vrystater in murg en been, Anlia Star, is ’n sangeres, aktrise, model en seremoniemeester.

Sy het bekendheid as aktrise in Suid-Afrika verwerf met haar rol as Sasha Richter in die kykNET-sepie Getroud Met Rugby. Verder is sy ook te sien in die HBO Ridley Scott TV-reeks, Raised By Wolves, en die plaaslike riller The Last Sacrament. Verdere krediete sluit in: Agent 2000, ’n Man Soos My Pa, Projek Dina en Split Gedagtes.

Wat min mense wel weet is dat Anlia se hart, net soos by drama, ook by musiek lê. In 2012 het sy haar Honneursgraad in Musikale Teater (drama en sang) voltooi en in 2021 het haar en Appel se paaie gekruis. 

Kort daarna het Appel Musiek en Coleske Artists vir haar ’n kontrak aangebeid en haar eerste enkelsnit, Plaaslewe is vrygestel.

Sedertdien het sy die geleentheid gekry om die Nasionale Volkslied te sing by haar verloofde, Eben Etzebeth, se 100ste Springboktoets. In tussen is dié twee getroud en hulle eerste kind is onlangs gebore.

Anlia sien uit vir alles wat nog voorlê, beide in haar loopbaan en om meer van haar nuwe titel as ma te leer.